အမေရိကန် အနုပညာ။ လူစီ ဂရေ့ဗ် မက်ဗေကာ၏ ``မြန်မာ့လယ်တော-၂(၂၀၀၇)``......အမည်ရ ပန်းချီကား။

အမေရိကန် အနုပညာ။
လူစီ ဂရေ့ဗ် မက်ဗေကာ၏
``မြန်မာ့လယ်တော-၂(၂၀၀၇)``......အမည်ရ ပန်းချီကား။
......Rice Fields(2007) By Lucy Graves-McVicker
သူမ၏ ``မြန်မာ့လယ်တော-၁``ကို တင်ဆက်ခဲ့ဖူး၍ ကျွန်ုပ်တို့၏ အနုပညာချစ်သူများ၏ ထိုက်သင့်သည့် နှစ်ခြိုက်မှုကို ရရှိခဲ့သည့်အလျောက် .....ဤပုံကားလေးသည်လည်း အဆိုပါပန်းချီဇာတ်လမ်းတွဲ၏ အဆက်ဖြစ်လေရာတွင် သူမ၏ နုရွလှပသည့် လက်ရာမွန်နှင့် တကျော့ပြန် ဆုံစည်းဖြစ်ကြခြင်း.....ဟု ဆိုရပေတော့မည်။ လူစီ၏ အနုပညာဘဝအကြောင်းကို ဤအနုပညာမှ ဖော်ပြခဲ့ဖူး၍ ....``ပရင်စီပီယား ကောလိပ်``မှ အနုပညာဝိဇ္ဇာဘွဲ့ ရရှိခဲ့ပြီးနောက် သူမ၏ အနုပညာလေ့လာမှုကို``ပါဆန်စ် ဒီဇိုင်ကျောင်းတော်``....နယူဂျာစီပြည်နယ်က ``ရပ်ဂျားစ် တက္ကသိုလ်၊ ဘရော့စကီ စင်တာ``တို့တွင် ဆက်လက်လေ့လာခဲ့ပုံ၊ ၁၉၉၀ မှသည် ပန်းချီတင်ဆက်မှုပေါင်း ၈၀-ကျော်မျှ ရှိခဲ့ပုံ၊ နယူးယောက်ပြည်နယ်မှ ပေးအပ်သည့် ရွှေတံဆိပ်အပါအဝင် ဂုဏ်ပြုအပ်သည့် အနုပညာရှင် စာရင်းဝင်အဆင့် ပေးအပ်ခံရမှုများ.....စသည်ဖြင့် ကျွန်ုပ်တို့ ဖော်ပြခဲ့ဖူးသည်ကို မိတ်ဆွေများ သတိတရရှိနေကြမည် ထင်ပေသည်။ ပြီးခဲ့သော ၂၀၀၆ တွင်ကား လူစီသည် မြန်မာပြည်သို့ ရက်သတ္တ သုံးပတ်ကြာမျှ အလည်အပတ်ရောက်ရှိခဲ့၍ ....ဤတိုင်းပြည်၏ သဘာဝအလှတရားတွင် လွန်စွာ အထင်ကြီးမိခဲ့ကြောင်းဖြင့် သူမက ဆိုလေတော့၏။ ``အထူးအားဖြင့်တော့....သံပုရာစိမ်းအရောင်နဲ့ လှနေကြတဲ့ လယ်ကွင်းတွေ၊ ပျိုးခင်းလဲ့တွေ၊ ...တောင်တန်းတွေ၊ နောက်ပြီးတော့ ကောင်းကင်အပြာတွေ မြင်တွေ့ရတဲ့အခါ။ ....အဲ၊ ထည့်ပြောရမှာကတော့ ချောမောတဲ့ လူတွေ....ဒေသခံတွေ။``ဟု သူမ က ပြုံးရွှင်စွာ ပြောပြခဲ့ကြောင်း။ ဤပန်းချီဆရာမ၏ ``မြန်မာ့လယ်တော-၁``ကိုမူ မကြာမီကပင် ရောင်းချပြီးဖြစ်၍ သူမက စိတ်ကျေနပ်နေပုံရကာ ဒါကလည်း သူမ အထင်ကြီးအံ့သြမိသည့် မြန်မာ့ရှုမျှော်ခင်း....၏ အောင်မြင်ထင်ပေါ်မှုကို ပြသနိုင်ခဲ့၍ ဖြစ်ပေမည်။ ဤဆီဆေးပုံကားလေးက ရေမင်းသား ဆရာဆောင်၏ လက်ရာအရောင်ပါးပါးလေးများနှင့်ပင် ဆင်ဆင်တူသလို ယူဆရပေသေးတော့၊ ....မြက်ခင်းလဲ့လဲ့၊ နှင်းသွဲ့သွဲ့တို့သည် သင်းဖွဲ့၍ နေကြလေသလော။ အစိမ်းအဝါရောသည့် ကောက်နှံများသည် .....ခုလို ဖုံးတုန်းလုံးတုန်း- တန်ဆောင်မုန်းလကိုပင် ဆိုလိုနေကြပုံရ၍ အဆိုပါရာသီဖွဲ့ ပန်းချီကားတစ်ချပ်ကိုပင် သူမ ရေးခြယ်ခဲ့လေသလော။ ခြုံပုတ်တွေကြားက လယ်တဲလေးတစ်လုံး၊ ထန်းပင် အုပ်စုလေးများ မှုန်ရီစ၊ .....သူမ နှစ်ခြိုက်သော တောင်တန်းလေးတွေကို ခြယ်ရေးထားသည်က ရေဆေးအကြည်ပန်းချီများတွင်သာ အထူးတလည် မြင်တွေ့ရသည့် စုတ်ချက်လေးတွေမျိုး၊ ....ကိုရွှေဖားတို့၏ အော်မြည်သံ၊ ရေဆင်းသောက်သည့် ဗျိုင်လေးများသည်ကားဆိုလျှင် ဝိုးတဝါး၊ လယ်ကသင်းမှာ ပုစွန်လုံးလေးများလည်း ဟိုသည် ပြေးလွှားချင် ပြေးလွှားနေခဲ့ကြမည်။ လယ်သူမလေးတွေကတော့ ဟိုဝေးတောအုပ်ထဲမှ အခုမှ လှမ်းလျှောက်လာဆဲ ဖြစ်ပေသလော၊ သူတို့၏ အရိပ်အခြေကို ကျွန်ုပ်တို့ မမြင်တွေ့၍ ဖြစ်ကာ ....လူစီက သူမ၏ လက်ရာမွန်ကို ``ရှုမျှော်ခင်း ၁၀၀%``အဖြစ်သာ ချဉ်းကပ်ဖွဲ့နွဲ့လိုပုံရကြောင်း...စသည်ဖြင့် ကျွန်ုပ်တို့၏ ``အနုပညာ``က တစုံတရာ ဟောကိန်းထုတ် တွက်ချက်နေမိပေတော့သည်။

— with သျှင်လေ ညင်း.

ရပြင်ပုံရိပ်ထင်(၂၀၁၀ နှစ်များ)``.

အမေရိကန် အနုပညာ။
ဒေးဗစ် ဒယ်လီဆင်၏
``ရေပြင်ပုံရိပ်ထင်(၂၀၁၀ နှစ်များ)``.......အမည်ရ ပန်းချီကား။
......Life Reflections, Burma(2010's)By David E. Dallison
သူ၏ ချစ်စရာ့ ပန်းချီကားအချို့ကို ကျွန်ုပ်တို့၏ ``အနုပညာ``မှ စီစဉ်တင်ဆက်ခဲ့ဖူး၍ ....ဥပမာ။ ။ လယ်ကွင်း စိမ်းစိမ်း၊ ပျိုးခင်း လဲ့လဲ့၊ စေတီဖြူဖြူလေးတွေကြားထဲက.....အင်းလေးကျေးလက် ဘုန်းတော်ကြီးကျောင်း မြင်ကွင်းလေးတစ်ခု၊ ထိုစဉ်တုန်းက ဖြစ်ပေါ်ခဲ့သည့် မိုးဥတု.....လူသူမနီး တောရကျောင်းသင်္ခန်းလေးပင်ဖြစ်နိုင်သည့် ထိုပုံကားလေးကို မိတ်ဆွေများ သတိတရရှိနေကြဦးမည် ထင်မိ၏။ ......သူသည် ကွင်းပြင်သို့ ထွက်ကာ ပန်းချီရေးဆွဲရခြင်းတွင် မွေ့ပျော်သူ တစ်ဦးတစ်ယောက်၊ ကမ္ဘာပေါ်က နေရာအတော်များများဆီသို့ ခရီးသွား၊ သူ နှစ်ခြိုက်သည့် ရေဆေးအနုပညာများ ဖန်တီးနေခဲ့။ ပြီးတော့ သူသည် သဘာဝပတ်ဝန်းကျင်ထဲမှာ သူကိုယ်တိုင်ကိုယ်ကျ ရှိနေရင်း..... မြက်ခင်းလယ်ကွင်းတွေနှင့် ကောင်းကင်နှင့် လေထုတွေကြားထဲမှာ ရှုမျှော်ခင်းကားတွေကို ရေးဆွဲ၊ ထိုသို့သော တကယ့်အလင်းတွေက သူ၏ ဉာဏ်ကွန့်မြူးမှုကို ပိုမိုနေစေသည့် သဘောမျိုး၊ ဒေးဗစ်က ပြောသည်မှာ ``..... အဲဒီလိုမျိုး ဟိုသည်ဆိုသလိုပဲ ခရီးတွေထွက်၊ ရေးဆွဲဖြစ်တဲ့ ပန်းချီကားတွေနဲ ကျုပ်တစ်ယောက့် ပျော်ရွှင်ကျေနပ်မိရင်း ဒါတွေက ကျုပ်ရဲ့ မှတ်ဉာဏ်တွေကို စုစည်းပေးထားတဲ့ သဘောမျိုးပါပဲ။``ဟု ဆိုသည်။ .....ဒယ်လီဆင်၏ ဖခင်ဖြစ်သူကလည်း ပန်းချီအနုပညာသမားတစ်ဦး၊ ကျော်ကြားသည့် အလပ်စထရေတာ တစ်ဦး၊ .....၃၅ ဆင့်တန် အမေရိကန် စာပို့တံဆိပ်ခေါင်းများကို ဖန်တီးသူ၊ ပြီးတော့ မဂ္ဂဇင်းစာစောင်တွေမှာ အောင်မြင်သည့် သရုပ်ဖော်ပုံကားများကို ရေးဆွဲသူဖြစ်ခဲ့ပုံ၊ သူ ငယ်စဉ်က ဖခင်၏ ပန်းချီစတူဒီယိုမှာ နေထိုင်ကျင်လည်ခဲ့ရင်း ဖခင်ထံမှ သင်ယူစရာတွေ များစွာ ရရှိခဲ့၊ ..... ၁၉၈၇ တွင် တိုရန်တိုမြို့ရှိ အနုပညာကျောင်းမှ ကျောင်းပြီးခဲ့၍ ......နောက်တော့ ဒေးဗစ်သည် ချီကာဂိုမြို့သို့ ပြောင်းရွှေ့နေထိုင်ခဲ့ကြောင်း။ ထိုမြို့တွင် ``လက်မှတ်ရောင်းသမား``လိုမျိုး သရုပ်ဖော်ပုံတွေကို စီးရီးစ်လိုက် ရေခဲ့ရင်း .....နန်စီ ဟော့ဖ်မင် အမည်ရသည့် အနုပညာစုဆောင်းသူတဦးက သူ့လက်ရာတွေကို မြင်တွေ့နှစ်ခြိုက်သွားခဲ့ရာမှ ဗင်းနစ်ပန်းချီပြပွဲတွင် သူ့လက်ရာမွန်တွေ တင်ဆက်ဖို့ ဖိတ်ခေါ်ခြင်းခံခဲ့ရပုံ....စသည်ဖြင့် ဒေးဗစ်က သူ့ဘဝအကြောင်းအရာများကို ပြောပြခဲ့ဖူးသည်။ .....ဤပုံကားလေးကရော သူ ပြောပြသည့် သဘာဝအလင်းကိစ္စတွေ မည်သို့ကွန့်မြူး လှပနေခဲ့ကြပါစ။ အင်းလေးတွင် ဖြန့်ကြဲကြနေကြသည့် မနက်ခင်းနေတွေ၊ .....နုနယ်သည့် နေမှုန်တွေ....ဟု သူက ဆိုလိုချင်ပုံရ၍ အဲဒီလိုမျိုးခြယ်ရေးခဲ့ရိုးမှန်လျှင်လည်း သူ့ဆေးစက်တွေက သူပြောသလို အတိအကျ ကွက်တိမျှသာပါပဲ။ ကန်ရေပြင်ပေါ်က မျောပေါ်နေသည့် မြေလွှာပြင်သေးသေးလေးမှာတော့ ဘုံအဆင့်နှင့် ဘုန်းတော်ကြီးကျောင်းလေးတစ်ကျောင်းပေလား၊ ဟိုး....နောက်ဖက်ဆီသို့ သင် ရှုမြော်မည်ဆိုလျှင် .....ရွာကလေး၏ နေအိမ်သွပ်မိုးလေးတွေ၊ အထားအသို၊ အနီးအဝေး ကျနသေသပ်စွာ၊ ....သူ ရှိနေစေချင်သည့် အလင်းပါးပါးများ၏ အောက်ဝယ် လှပသော ဒြပ်အရာရာကို ကျွန်ုပ်တို့ ရှုမြင်ခံစားကြရနိုင်လေ၏။ ရာသီက အမြဲလို အေးမြနေတတ်၍ မိုးအေးသည့် မနက်ခင်းလေးမှာ .....ဤနေအလင်းဖြင့် ကြည့်ရှုသူ ကျွန်ုပ်တို့အား တစုံတရာ နွေးထွေးသွားစေနိုင်ခဲ့သလို၊ ဝါးခြံစည်းရိုးနှင့် ရိုးရှင်းသော အင်းလေးက ပန်းနီနီလေးတွေနှင့် ခြံဝန်းလေးတစ်ခု၊ အစိမ်းနုရောင်လေးတွေရှိသည့် ခြံဝန်းခရိုးက သစ်ပင်နှစ်ပင်၊ ....အဲ...ထိုမျှမကသေးပဲ နောက်ထပ်အပင်ပေါက်စလေးတွေလည်း ရှင်သန်ပေါက်ရောက်နေခဲ့ကြလျက် .....ဤအစိမ်းရောင်များက သူ့ပုံကား၏ အရေးပါသော အရာများဖြစ်ခဲ့ကြမည်...ဟု ကျွန်ုပ်တို့ ယူဆလိုသည်။ ပြာလဲ့သည့် ကန်ရေပြင်ဝယ် မနက်ခင်းအလုပ်ဆင်းသည့် လှေကလေးတစ်စီး၊ လှော်ခပ်လာသူသည် ပင်နီချည်ထည်ဝတ်သည့် အပျိုမလေးတစ်ဦးပေလော။ သူမ၏ လှေကလေးသည် ဤနေရာလေးကို ဖြတ်သန်း၍ ခပ်ဝေးဝေးတစ်နေရာက ကျွန်းမျောခရမ်းချဉ်ခင်းများဆီသို့ သွားရောက်နေခဲ့ခြင်းပေလော။ ဤလှေခရီးသွားလေးတစ်ဦးကြောင့်ပင် ရေပြင်မှာ လှိုင်းဂယက်လေးတွေ ဖြစ်ပေါ်လာကြရကား စောစောက ကျွန်ုပ်တို့ ပြောပြခဲ့သည့် သစ်ပင်ပန်းမာလ်နှင့် ခြံဝန်း၊ ထိုသည်အကြိုအကြားထဲမှ လင်းရိပ်မှောင်ရိပ်များ၊ ဘုံအဆင့်နှင့် ကျေးလက်နေအိမ်၊ ကောင်းကင်အပြာနှင့် နေမှုန်များ....ဟူသည် အရိပ်ထင်သည့် ရေလွှာပြင်ဝယ် .....သက်ဝင်လှုပ်ရှားသွားခဲ့ကြရလေတော့သည်။ .......အမေရိကန်ပန်းချီဆရာအနေနှင့် ဤပုံကားလေးတွင် အဓိက သူ ပြောပြနေချင်သည့် အရာ...ဆိုသည်မှာလည်း နုနယ်လှပသော မနက်ခင်း၏ နေခြည်မှ စတင်ခဲ့လေသည့် ဤ``အရောင်ရွေ့လျားမှုများ``ဖြစ်မည်ဟု ကျွန်ုပ်တို့ သဘောရမိခဲ့ပါကြောင်း။

ဗိတိန် အနုပညာ။ နိုရာ နယ်လ်ဆင် ဂရေး၏ ``မြန်မာထီးလေးနှင့် မိန်းမငယ်(၁၉၂၅)``.....အမည်ရ ပန်းချီကား

ဗိတိန် အနုပညာ။
နိုရာ နယ်လ်ဆင် ဂရေး၏
``မြန်မာထီးလေးနှင့် မိန်းမငယ်(၁၉၂၅)``.....အမည်ရ ပန်းချီကား။
ဂရေး(၁၈၈၂- ၁၉၃၁)သည် နာမည်ကျော် ``ဂလပ်စ်ဂေါလ်``ကျောင်းထွက်ပန်းချီဆရာမတစ်ဦးဖြစ်ကာ မကြာသေးမီ ၂၀၁၀၊ ဇူလိုင်- သြဂုတ်လများဆီက ခကုဘရိုက်မြို့တွင် ကျင်းပသည့် ``ဂလပ်စ်ဂေါလ် မိန်းကလေးများ``အမှတ်တရ ပန်းချီပြပွဲတွင် သူမ၏ ပုံကားများကို တင်ဆက်ခဲ့ကြောင်း ....စသည်ဖြင့် ကျွန်ုပ်တို့ သတင်းရရှိခဲ့လေ၏။ ငယ်စဉ်အခါကပင် ပန်းချီပိုးပါခဲ့သူဖြစ်ခဲ့ရာတွင် သူမ၏ ဇာတိဖြစ်သည့် ဟယ်လင်ဘတ်ခ်မြို့က ဒေသခံ ပန်းချီဆရာကျော် နှစ်ဦးထံပါးဝယ် ပညာရင်နို့ သောက်ခဲ့ပြီးသည့်ကာလ .....၁၉၀၁ တွင် မိသားစုလိုက် ဂလပ်ဂေါလ်မြို့သို့ ပြောင်းရွှေ့သွားခဲ့သဖြင့် ထိုသည့်``ဂလပ်စ်ဂေါလ် အနုပညာကျောင်း``တွင် ခြောက်နှစ်ခြောက်မိုး ပန်းချီပညာ သင်ရိုးကုန် သင်ကြားခဲ့လေသည်။ အထူးအားဖြင့် ဂရေးသည် ဘယ်လ်ဂျီယံဆရာ ဂျင်း ဒယ်ဗီလီနှင့် ဖရာ နယူးဘယ်ရီတို့၏ လက်ကျ တပည့်ကျော်မလေးဖြစ်ခဲ့၍ ကျောင်းပြီးသည့်အခါသမယ .....ထိုကျောင်းတော်မှာပင် ဆရာမ ပြန်လုပ်ရင်း ကျော်ကြားသည့် ပုံကားများစွာကို ခြယ်ရေးခဲ့လေသည်။ ၁၉၁၀ တွင် သူမ၏ ပေါ့ထရိတ်ပန်းချီများပြပွဲကို ခင်းကျင်းနိုင်ခဲ့ပြီး ပထမ ကမ္ဘာစစ်ကြီး ဖြစ်ပွားလာချိန်တွင် ဂရေးသည် ပြင်သစ်စစ်မျက်နှာပြင်သို့ သူနာပြုဆရာမအနေနှင့် သွားရောက်ခဲ့ရပြီး ထိုမြေတွင် ပန်းချီနှင့် မင်ခြစ်ပုံကြမ်းများစွာကို ရေးဆွဲနိုင်ခဲ့၏။ သူမ၏ ပုံကားများကို ``တော်ဝင် စစ်သမိုင်းပြတိုက်``နှင့် အခြားဂယ်လာရီများတွင် စုဆောင်းထားရှိပြီး ဤဆရာမ ဂရေးသည် ``တော်ဝင် ဂလပ်စ်ဂေါလ် အနုပညာအကယ်ဒမီ``.... သြဇာညောင်းသူများကော်မတီ၏ ပထမဆုံး ပန်းချီဆရာမအဖြစ် ရွေးချယ်ခြင်းခံယူရသူတစ်ဦး ဖြစ်လေတော့သည်။ ...ထိုစဉ်ကာလ သူမသည် ``မြန်မာပြည်``သို့ ရောက်ခွင့်မကြုံခဲ့သည့်တိုင် အရှေ့တိုင်း၏ ကျော်ကြားသော မြန်မာပြည်က အထူးတလည် ရောက်ရှိလာခဲ့သည့် .......လှပသော ထီးကလေးတစ်လက်နှင့်မူ လက်ဆောင်မွန်ရ ရေစက်ဆုံခဲ့ကာ အခုလိုမျိုး ဘိလပ်သူလေးတစ်ဦး၏ ပုံရိပ်နှင့်အတူ မြန်မာရနံ့လေးကို ထည့်သွင်းရေးဖွဲ့ထားလေရာတွင် လွန်စွာ ချစ်စရာကောင်းလျက် လှပတင့်တယ်ကြောင်းဖြင့် ကျွန်ုပ်တို့ မှတ်ချက်ပြုလိုပေတော့သည်။

Like ·  · Share · September · 

• 13 people like this.

`ပုဂံ မြင်ကွင်းကျယ်-၄(၁၈၅၅)

ဗြိတိန် အနုပညာ။
ကိုးလ်စ်ဝေါ့လ်သီ ဂရန့်၏
``ပုဂံ မြင်ကွင်းကျယ်-၄(၁၈၅၅)``....အမည်ရ ပန်းချီကား။
ကျွန်ုပ်တို့၏ ဖိုင်လ်များထဲမှ မွှေနှောက်ရရှိသမျှ ....ဂရန့်၏ ပုဂံမြင်ကွင်းကျယ် ပန်းချီကား လေးချပ်မျှရှိရာတွင် ယခုတင်ဆက်မှုသည် ထိုရှေးဟောင်းနယ်မြေဆိုင်ရာ နောက်ဆုံးအပိုင်း ဖြစ်လေသည်။ ဤဆရာ ရေးဆွဲသည့် ``ဗူးဘုရား``ရှုမျှော်ခင်းပန်းချီကို ယခင်က သီးခြားဖော်ပြခဲ့ပြီးဖြစ်သဖြင့် ထိုကားကိုပါ ပေါင်းထည့်မည်ဆိုပါလျှင် ဤဗြိတိန်ပန်းချီကျော်သည် ပုဂံရှုမျှော်ခင်း ကားပေါင်း ငါးကားမျှ ရေးဆွဲခဲ့သည်...ဟု ဆိုနိုင်မည် ထင်မိပေသည်။ ....မြန်မာပြည်ဆိုင်ရာ သူ၏ အနုပညာဖန်တီးမှုများသည် ကားချပ်ရေ ဒါဇင်ပေါင်းများစွာ ရှိခဲ့သဖြင့် ကျွန်ုပ်တို့သည် အခါအားလျော်စွာဆိုသလိုပင် အပိုင်းလိုက် ဖော်ပြလျက်ရှိပါကြောင်း။ ......သို့နှင့် ကျွန်ုပ်တို့၏ ငယ်စဉ်တောင်ကျေး ကလေးဘဝနေ့ရက်များဆီက အဆိုပါပုဂံသို့ မွေးရပ်မြေ ကျောင်းတော်၏ လေ့လာရေးခရီး အစီအစဉ်ဖြင့် စတင်ရောက်ရှိခဲ့ဖူး၍ ထိုဒေသပတ်ဝန်းကျင်အပေါ် အံ့သြငေးမောဖြစ်ခဲ့ပုံကို သတိတရ ``မီမွားများ``အနေနှင့် ပြောပြဖြစ်ခဲ့ရာမှ .....ယာခင်းခရိုးတွင်ပေါက်ရောက်နေကြသည့် တောပန်းတောင်ပန်း လှရာရာများမှသည် မြစ်ဧရာကိစ္စ၊ ထိုမှသည် ``ဓမ္မရံကြီး``စေတီပေါ်မှ ရှုခင်းငေးဖြစ်ခဲ့ပုံ၊ ကမ္ဘာပေါ်က အကောင်းဆုံးဆည်းဆာများတွင် တစ်ခုအဝင်အပါ...ဆိုသည့် ပုဂံညနေကို ကြုံဆုံခဲ့ပြီးသည့်ကာလ ထို့နောက်မှာတော့ ကျွန်ုပ်တို့ကျောင်းသူကျောင်းသားကလေးများသည် ကျေးလက်ခရီးသွားကားတစ်စီးဖြင့် အိမ်ပြန်ခရီးကို နှင်ခဲ့ကြပါကြောင်း။ ဤမျှလှပသော ပုဂံ၏ ရှုမျှော်ခင်းအထွေထွေသည် တရိပ်ရိပ်နှင့် အဝေးတွင် ကျန်ရစ်ခဲ့ပြီကော။ ထိုပုံရိပ်လေးများသည် နှစ်ကာလ ကြာမြင့်ပြီဖြစ်၍ အတန်ငယ် မှုန်ဝါးနေပြီဖြစ်သည့်တိုင် တော်ဝင်ဆရာ ဂရန့်၏ ဤရှုမျှော်ခင်းပုံကားလေးကတော့ နှစ်များ၊ ...ခေတ်များကို ဖြတ်လာခဲ့သည်တိုင် အခုထိ ကြည်လင်လှပကာ မနေ့တစ်နေ့ကပင် သူ ရေးဆွဲဖြစ်ခဲ့သည့်အလား ထင်မှတ်မှားရကြောင်းဖြင့် ကျွန်ုပ်တို့ တင်ပြလိုက်ရပေသည်။

`တိုင်းရင်းသူလေးများ၏ ပုံတူ(၁၉၀၃)`

အနောက်တိုင်း အနုပညာ။
..........
``တိုင်းရင်းသူလေးများ၏ ပုံတူ(၁၉၀၃)``....အမည်ရ ပန်းချီကား။
သူသည် အေးမြသော မောတို့ဌာနီ၊ .....မြေနီယာခင်းစိမ်းများ၊ ကြက်သွန်ဖြူခင်းနှင့် ပန်းနှမ်း၊ နေကြာ၊ စပါးနှင့် ဂျုံခင်းများတစ်လျှောက် လျှောက်သွားနေခဲ့လေသည်။ ပြီးတော့ တောင်ပေါ်ရွာလေးတွေသို့ တစ်ရွာဝင် တစ်ရွာထွက် သွားရောက်ကာ ကောက်ညှင်းရနံ့သင်းသည့် ရေနွေးကြမ်းသောက်ရင်း ရိုးသားသော ဒေသခံတို့နှင့် စကားစမြည်ပြောဖြစ်ခဲ့၏။ ရွာလေးတစ်ရွာ၏ ဘန်ဂလိုတွင် နားနေရင်း ညနေတိုင်လျှင် မီးပုံဘေးမှာ ဝိုင်းစုထိုင်ကြကာ၊ ....ရှမ်းအရက် ခပ်ပြင်းပြင်းတစ်ခွက်ကို လည်း သူ မြည်းစမ်းကာ သူတို့ပြောပြသည့် ကျေးလက်ပုံပြင်များ တစ်ပုဒ်ပြီးတစ်ပုဒ် နားထောင်ရသည်မှာလည်း ဤအနုပညာသမားအတွက် နှစ်သက်ပျော်ရွှင်စရာ ဖြစ်နေခဲ့ပေမည်။ ပန်းချီဆရာသည် ရှုမျှော်ခင်းပုံကြမ်းတွေ ရေးခြစ်ခဲ့သလို ......လှပသော ရိုးရာ ချည်ဝတ်စုံများနှင့် တင့်တယ်သော တိုင်းရင်းသူတိုင်းရင်းသားတို့၏ ပုံတူများကို ရေးဆွဲဖြစ်ခဲ့ရာတွင် ပထမတွင် သူတို့သည် ရှက်စနိုးရှိကြသော်လည်း နောက်တော့ ပန်းချီကားအတွက် မော်ဒယ်ရပ်ပေးရခြင်းအပေါ်တွင် နှစ်သက်ပျော်ရွှင် လိုလိုချင်ချင်နှင့် သူတို့ လက်ခံခေါင်းညိတ်ကြလေသည်။ ဆေးရောင်စုံလေးနှင့် လှပသော ပုံတူကားလေးတွေကို သူတို့ကိုယ်တိုင် ခုဆိုခုပဲ မြင်တွေ့ရသောအခါ ပြုံးလဲ့သွားကြသည့် တိုင်းရင်းသူလေးများ၏ ပုံရိပ်ကို ဤပန်းချီဆရာအဖို့ ဘဝ၏ အမှတ်တရများထဲမှ မမေ့နိုင်တော့မည် ``အမှတ်တရများ``ပင် ဖြစ်ခဲ့ပေတော့မည်။ ......ဤပုံတွင် ပတောင်(ခတွန်)၊ ပလေး၊ ပတောင်(တွမ်မ)မိန်းကလေးများ၏ ပုံတူကို ခြယ်ရေးထားရာတွင် ပန်းချီအခြေခံ အရောင်လေးများဖြင့် ဖန်တီးထားသည့် သူတို့၏ ရိုးရာဝတ်စုံ အဆင်ဒီဇိုင်းလေးများကို မူရင်းမပျက် သူက မှတ်တမ်းပြုစုခဲ့လျက် ....ဤပုံတူလေးတွေသည်ကားဆိုလျှင် လွန်စွာလက်ရာမြောက်ကြောင်း မြင်သည်နှင့် သိသာပါပေသည်။ ကျွန်ုပ်တို့၏ ဖိုင်လ်များထဲမှ အမျိုးအမည် တိကျစွာ မသိရသည့် ဤပုံကားလေးအကြောင်း ယခုထက် ပိုမို၍ အသေးစိတ်လိုခဲ့သော်လည်း တကယ်တမ်း မပြည့်မစုံ ဖော်ပြချက်ကို ကျွန်ုပ်တို့သည် ဤတွင်ရွေ့ နိဌိတံပေသည်။

ဗြိတိန် အနုပညာ။ ကိုးလ်စ်ဝေါ့လ်သီ ဂရန့်၏ ``အမရပူရ မြင်ကွင်းကျယ်(၁၈၅၅)

ဗြိတိန် အနုပညာ။
ကိုးလ်စ်ဝေါ့လ်သီ ဂရန့်၏
``အမရပူရ မြင်ကွင်းကျယ်(၁၈၅၅)``....အမည်ရ ပန်းချီကား။
အမြဲအသက်ရှင်သန်နေသည့် မြို့....ဟု အဓိပ္ပာယ်ထွက်ရှိလေသော ``အမရပူရ``၊ မင်းနေပြည် နှစ်ကြိမ်ဖြစ်ခဲ့ဖူးသည့် ထူးခြားဆန်းကြယ်သော မြို့။ ဤမြို့ကို အင်းဝတွင် နန်းစံလျက်ရှိသည့် ဗဒုံမင်း အမည်ခံ ဘိုးတော်ဘုရားသည် မိုးတွင်းကာလ၊ မြစ်ရေလျှံတက်ချိန်တွင် နန်းမြို့အထိ ဗြိတိသျှတို့၏ သင်္ဘောများ လာရောက်နိုင်သည်ကို တွက်ချင့်လျက် ......၁၈၇၁၊ ...အောက်တိုဘာ ၁-ရက်နေ့တွင် ပြန်တမ်းတစ်ရပ်ကို ထုတ်ဆင့်လိုက်လေခဲ့ကြောင်း။ ထိုအမိန့်တော်တွင် လက်ဆည်ကန်ရွာနေရာတွင် အမရပူရ နန်းတော်အသစ်တည်ရန်ဖြစ်လျက် ထိုမြို့တညဆောက်ရေးစီမံချက်ကို စတင် အကောင်အထည်ဖော်ခဲ့ကာ ၁၂၊ မေ၊ ၁၇၈၃ တွင် နန်းသိမ်းပွဲဖြင့် စိုးစံတော်မူခဲ့၏။ နောက်ထပ် ခုနစ်နှစ်အကြာတွင် ဤမြို့သည် မီးဘေးသင့်ခဲ့ရသဖြင့် အချိန်တိုအတွင်း မြို့သစ်နန်းသစ် တည်ခဲ့ရပြန်ကြောင်း၊ ထို့နောက် ဘကြီးတော်မင်းလက်ထက်တွင် အင်းဝသို့ တဖန် ပြန်လည်စိုးစံခဲ့၍ သာယာဝတီမင်းလက်ထက်တွင် အမရပူရသို့ မြို့တော် တကျော့တဖန် ပြောင်းရွှေ့ခဲ့ပြန်ပေသည်။ ....``ပဒုမ္မာ ရွှေကြာ၊ ဘိုးတော် စံရာ၊ နတ်ရွာနတ်ပြည်တူလေခြင်း``ဟူသည့်အတိုင်း ထိုစဉ်ကာလ လွန်စွာ စည်ကားသိုက်မြိုက်ခဲ့ကာ ...တောင်သမန်အင်း၊ တက်သေးအင်း၊ ရတနာ့ဂူ၊ ရွှေကြက်ယက်- ရွှေကြက်ကျ၊ ...မြစ်ဧရာ၊ တောင်ရိုးတောင်တန်းများကြားက ဤရွှေဘုံရွှေနန်းမြို့သည်ကားဆိုလျှင် လွန်စွာ ရှု၍ မဝ သာမောလှပခဲ့မည်မှာ ကျွန်ုပ်တို့ ယုံမှားသံသယ မရှိချေ။ .....၁၈၅၅၊ ဗြိတိသျှ- အိန္ဒိယ ဘုရင်ခံ၏ မေဂျာ ဖယ်ရာ ဦးဆောင်သည့် အင်းဝသွား သံအဖွဲ့တွင် တော်ဝင်ပန်းချီဆရာတစ်ဦးအဖြစ် လိုက်ပါလာသည့် ဆရာ ကိုးလ်စ်ဝေါ့လ်သီ ဂရန့်သည် မြန်မာ့ရှုခင်းနှင့် ...အထင်ကရလူပုဂ္ဂိုလ်များ....စသည့် ပုံရိပ်အထွေထွေကို မှတ်တမ်းပြုရေးဆွဲခဲ့ရာတွင် ဤ``အမရပူရ မြင်ကွင်းကျယ်``ဟု အမည်ရသည့် လက်ရာမွန်ဥရောပ ရေဆေးပန်းချီကားတစ်ချပ်လည်း အဝင်အပါဖြစ်ရာတွင် ထိုစဉ်က မြန်မာ့လူမှုဘဝနှင့် ပတ်ဝန်းကျင်ဖွဲ့ အနုပညာကို အနီးကပ်ဆွဲယူ ချိန်ဆကာ မိတ်ဆွေများ နှစ်သက်ခံစားနိုင်ရန် ကျွန်ုပ်တို့ စီစဉ်တင်ဆက်လိုက်ရပေတော့သည်။

`စေတီတော် ရှုမျှော်ခင်း(၁၈၇၀?)

အနောက်တိုင်း အနုပညာ။
ဘီ- အက်ဖ်၏
``စေတီတော် ရှုမျှော်ခင်း(၁၈၇၀?)``.....အမည်ရ ပန်းချီကား။
ကျွန်ုပ်တို့၏ ဖိုင်လ်များထဲမှ အခုပေါ်ထွက်လာသည့် ပုံကားလေးတစ်ချပ်မှာ ဟို....နှစ်များစွာတုန်းက၊ ...ရာစုနှစ်များဆီက နံနက်ခင်းလေးတစ်ခုဖြစ်နေသည်ကို တွေ့လိုက်ရ၏။ ထို့ထက်ပို၍ ဆိုလျှင် သာယာသော နံနက်ခင်း၏ ရှုခင်းလေးတစ်ခု၊ ......နှစ်များကြာမြင့်ခဲ့ပြီဖြစ်သည့်တိုင် လန်းဆတ်နေတုန်းပဲ....ဟု ခံစားလာရကာ စေတီတော်သို့ သွားရာ မြေနီလမ်းလေးထဲမှာ ကိုယ်တိုင်ရောက်ရှိသွားသလို ထင်မှတ်မှားရလေတော့သည်။ ကျယ်ဝန်း၍ လှပသော အပြာရောင် မိုးကောင်းကင်နှင့် တိမ်ဖြူပါးပါးလေးများ၏ နေ့တစ်နေ့၊ ရွှေစေတီသည် တည်ငြိမ်မှု၊ ခန့်ထည်မှု....အစုစုဖြင့် ကြည်ညိုဖွယ်ရာ......အဝေးမှာ၊ ......အရွက်စိပ်သော သစ်ပင်အုပ်များကြားမှ ဒဏ္ဍာရီလာ ခြင်္သေ့ညီနောင်နှင့် မဟာရံတံတိုင်းအဝင်ဝ၊ ....ထို့နောက် စင်္ကြန်ကြွလှမ်းသည့် ဘုန်းတော်ကြီးနှင့် ထီးတော်မိုး မောင်ကျောင်းသား၊ အိမ်တော်ရာထီးလေးတွေနှင့် လှပသော မိန်းကလေးတွေက ပဋိသန္တာရ နှုတ်ခွန်းဆက်စကားတွေ အချင်းချင်းပြောကြကာ လမ်းဘေးဈေးသည် ကြီးတော်ကမူ ဝယ်သူကို မျှော်နေပုံရပါကြောင်း၊ ဘာတွေများ သူမ ရောင်းချနေပါသနည်း။ .......မုန့်ဗိုင်းတောင့်၊ မုန့်လုံးကြီးကြော်၊ ဗူးသီးကြော်...ဘာညာဖြစ်ချင် ဖြစ်ပေမည်.....မြန်မာ့ မနက်ခင်းစားစရာများ....အစရှိသဖြင့် ကျွန်ုပ်တို့သည် စိတ်အစဉ်တန်းမိပြီးသည့်ကာလ ဤအကြောင်းကို ရေးဖွဲ့ပါက ပြီးနိုင်ဖွယ်ရာမရှိသော ......ဥရောပလက်ရာ ရှေးပုံကားတစ်ချပ်ကို မိတ်ဆွေများအတွက် ကျွန်ုပ်တို့ စီစဉ်တင်ဆက်လိုက်ပါကြောင်း။

`မြန်မာပြည်သို့.....(၁၉၀၀ နှစ်များ

အနောက်တိုင်း အနုပညာ။
.........
``မြန်မာပြည်သို့.....(၁၉၀၀ နှစ်များ)``.....အမည်ရ ပန်းချီကား။
ထိုစဉ်ကာလ မြန်မာပြည်...ဟူသည် ဆန်ရေစပါး ပေါကြွယ်ဝခြင်း၊ စေတီဘုရားများနှင့် လှပသာယာခြင်း၊ ကြည်လင်သော မြစ်ချောင်းအင်းအိုင်၊ .....ရေမြေတောတောင်များနှင့် စိမ်းလန်းစိုပြေခြင်း၊ ....အဆိုပါတိုင်းပြည်တွင် ကျေးငှက်သာရကာနှင့် တောရိုင်းတိရစ္ဆာန်လေးများသည်လည်း တေးသီသံတို့နှင့်အတူ အနှောင့်အယှက်ကင်းကင်း ပျော်ပါးမြူးတူးကာ သဘာဝမပျက်ရှိနေကြောင်း၊ မြန်မာတို့သည် တစ်ဆယ့်နှစ်ရာသီ ပျော်ရွှင်ကာ အမြဲပြုံး၍နေတတ်ကြသည်...ဟု ပြင်ပကမ္ဘာက ရှုမြင်ခဲ့ကြလေ၏။ .....ကျော်ကြားသော မြစ်ဧရာတကြောဝယ် စုန်ဆန်သွားသည့် လှေနာဝါတွေ၊ ကမ်းခြေကျေးရွာလေးတွေမှာ ညနေခင်း ရေချိုးဆင်းရင်း ပျော်မြူးနေသည့် လူသူပုံရိပ်များ၊ စိမ်းစိုသည့် တောတန်းလေးအလွန်မှာ ရွှေစေတီဝင်းပ၊ .....နေတောက်ပသဖြင့်၊ သို့မဟုတ် ရွှေရောင်လွှမ်းခြုံသဖြင့် ....ဤပုံကားလေးတွင် အဝါရောင်လေးများက စိုးမိုးထားခဲ့ပါကြောင်း၊ ဤမျှကြည်နူးဖွယ်ရာ ပန်းချီကားလေးသည် ``ဘနာနား ရီပတ်ဘလစ်``အမည်ရ ခရီးသွားမဂ္ဂဇင်းတစ်ခု ဖြစ်ပုံရသည့် စာစောင်မျက်နှာဖုံးအဖြစ် ၁၉၀၀ စတင်စနှစ်များက ပေါ်ထွက်လာခဲ့ပေသည်။ ...လွတ်လပ်ခြင်း၊ ငြိမ်းချမ်းခြင်း၊ တန်းတူခြင်းနှင့်မသွေ....ဒါတို့ပြေ....ဆိုသည့်အတိုင်း မြန်မာ့သာယာဝပြောမှုကို အသစ်တဖန် ဖန်တီးရန် ဤပုံကားလေးကို ကြည့်ရင်းမှ ကျွန်ုပ်တို့သည်ကားဆိုလျှင် ခံစားမှုရသ အဝဝ ရရှိလာသလို ယူဆရပါကြောင်း။

မန္တလေးနန်းတော် အနောက်တံခါး(၁၉၃၀ နှစ်မျာ

`ဆွမ်းခံချိန်(၁၉၀၀ နှစ်များ)

ဗိတိန် အနုပညာ။
နဲလ် ပါဆန်စ်၏
``ဆွမ်းခံချိန်(၁၉၀၀ နှစ်များ)``......အမည်ရ ပန်းချီကား။
မဒီတို့ ရွာကလေးသို့ ရောက်ရှိလာခဲ့သည့် .....နဲလ်သည် ထိုမြစ်ဘေးကျေးရွာနှင့် အနီးအနားက ရေမြေတောတောင်စိမ်းစိမ်း၊ လှပသော လယ်ကွင်းများ၊ စေတီဘုရားလေးများတွင် ကြည်နူးနှစ်ခြိုက်ခဲ့ရုံမျှမက ....ထိုရွာသူလေး မဒီ၊ ပြီးတော့ သူမ၏ မောင်လေး စံဖဲ၊ ရောင်းရင်းလေး ကိုဆစ်တို့ကိုပါ ချစ်ခင်ခဲ့ကာ သူတို့၏ ဆော့ကစားကြ၊ ...ရွာတွင် ကျင်းပသည့် အကပြိုင်ပွဲဝင်ကြ...စသည့် ကလေးတို့၏ လှုပ်ရှားမှုအစုစုကို လေ့လာကာ ပုံကြမ်းတွေအများကြီး ရေးခဲ့၊ ....ပြီးတော့ အခုလို ဆေးရောင်စုံ ပန်းချီများနှင့် တကွ မဒီတို့ရွာကလေးဆိုင်ရာ မှတ်တမ်းများကိုလည်း အေားထုတ်ပါးထုတ် ရေးသားခဲ့ပေသည်။ နဲလ်၏ ပုံကားနှစ်ချပ်ကို ကျွန်ုပ်တို့ များမကြာမီက ကျွန်ပ်တို့ တင်ဆက်ခဲ့ပြီးဖြစ်ရာတွင် ဤအပိုင်း-၃ ပုံကားလေးကတော့ ``ဆွမ်းခံချိန်``...ဟူ၍ အမည်တွင်ခဲ့လေတော့၏။ ငယ်ရွယ်သော ကိုဆစ်လေးသည် မဒီတို့နှင့် ပြေးလွှားဆော့ကစားဘက်ဖြစ်၍ .....သူသည် တစိတ်တပိုင်းအားဖြင့် ရွာဦးဘုန်းတော်ကြီးကျောင်းက မောင်ကျောင်းသားလေးတစ်ဦးလည်းဖြစ်ပေသည်။ မောင်ကျောင်းသားလေးတို့၏ ဘာသာဘာဝ ကျောင်းတော်၏ ဝေယျာဝစ္စရွက်ဆောင်ရမြဲဖြစ်သည့်အတိုင်း ....ဦးပဉ္စင်းနှင့် ကိုရင်လေးများ နံနက်ချိန်ခါ ဆွမ်းခံထွက်လျှင် ဖော်ပြပါအတိုင်း ဤကိုဆစ်တို့သည် ဆွမ်းတော်အုပ်ကိုလည်း ဆိုင်ထမ်းဖြင့် ထမ်းကာ အတူလိုက်ပါကြရပြန်လေသည်။ နဲလ်၏ ချစ်စရာကောင်းသော ပန်းချီလက်ရာများ၏ ထုံးစံအတိုင်း .........ဤပုံကားလေးတွင်လည်း မြတ်နိုးဖွယ်ရာအရောင်လေးများ၊ ထိုစဉ်ကာလ ငြိမ်သက်အေးချမ်းသော မြန်မာ့မူဟန်ဓလေးစရိုက်လေးကိုပါ သရုပ်တင်ထားခဲ့လေရာတွင် ...သင်တစ်ယောက်လည်း ဤပုံကားလေးတွင် တစုံတရာ ကျေနပ်နှစ်သက်မည်...ဟု ကျွန်ုပ်တို့ ယုံကြည်နေမိပေသည်။ — with

ဗိတိန် အနုပညာ။ နဲလ် ပါဆင်စ်၏ ``မဒီနှင့် မမီ(၁၉၀၀ နှစ်များ)``....အမည်ရ ပန်းချီကား။

ဗိတိန် အနုပညာ။
နဲလ် ပါဆင်စ်၏
``မဒီနှင့် မမီ(၁၉၀၀ နှစ်များ)``....အမည်ရ ပန်းချီကား။
နဲလ်သည် .....ဤမဒီလေးတို့ရွာတွင် အတော်အတန် စတည်းချ နေခဲ့ပုံရ၍ .....မဒီ၊ သူ၏ မောင်ကလေး စံဖဲ.....၊ ပြီးတော့ ....မဒီတို့မိသားစုအကြောင်းကို ပုံကြမ်းများစွာ ရေးထုတ်ခဲ့ပေသည်။ မဒီကို နဲလ်တစ်ယောက် စတင်တွေ့ဖူးစဉ်က သုံးနှစ်သမီးလေးမျှသာ ရှိသေးပုံ၊ မိခင်က ညစာအတွက် ချက်ပြုတ်ထားသည့် ထမင်းအိုးကို ခွေးလေးတကောင် လာခိုးစား၍ ....သူမက လက်ကလေးမြှောက်ကာ မောင်းထုတ်နေသည့်အကြောင်း.....ယခင်တင်ဆက်မှုတစ်ခုတွင် ကျွန်ုပ်တို့ ဖော်ပြခဲ့လေ၏။ .....မဒီ၏ ဖခင်သည် လှေကြီးတစီးဖြင့် ဆန်တွေ၊ စပါးတွေ အပြည့်တင်ပြီး ရန်ကုန်ရွှေမြို့တော်ကြီးဆီသို့ ကုန်ရောင်းသွားပုံ၊ ......သူမသည် မောင်ကလေး စံဖဲကို ခေါ်၍ မြစ်ဆိပ်သို့ သွားရောက်ကာ ညနေတိုင်း မွေးဖခင်ကြီး၏ လှေကြီး ပြန်အလာကို စောင့်မျှော်နေတတ်ကြပုံ၊ တစ်ညနေ မဒီ၏ ဖခင် ပြန်ရောက်လာသည့်အခါ .....ရန်ကုန်အပြန် မဒီအတွက် လက်ဆောင်အဖြစ် လှပသော ငွေထည်လက်ဝတ်ရတနာလေးပါလာ၍ သူမ သိပ်ကို ပျော်ခဲ့ရပုံ၊ ပြီးတော့ ....ထိုငွေထည်လေးကို ရွာက မိန်းကလေးများ ယိမ်းအကပြိုင်ပွဲတွင် .....မဒီဆင်ယင်သွားခဲ့ပုံ...စသည်ဖြင့် နဲလ်က အသေးစိတ် ရှင်းချက်ထုတ်ခဲ့ပါကြောင်း၊ ဤပုံကားလေးကတော့ ထိုယိမ်းပြိုင်ပွဲအပြီး မြင်တွေ့ရသည့် မဒီနှင့် သူမ၏ ရောင်းရင်းမလေး မမီတို့၏ ပုံရိပ်ကို ရေးခြယ်ထားခြင်းဖြစ်လေရာတွင် ...ဥရောပ ရှေးလက်ရာ ရောင်စုံပုံကားလေးတစ်ချပ်ကို တင်ဆက်ရာဝယ် မိတ်ဆွေများ ကျေနပ်နှစ်သက်ကြမည်...ဟု မျှော်လင့်မိပါကြောင်း။

အနောက်တိုင်း အနုပညာ။ ရှဲလ်ဒန်း ဝီလျမ်၏ ``ရွှေတိဂုံစေတီတော်(၁၉၀၆)``.....အမည်ရ ပန်းချီကား။

အနောက်တိုင်း အနုပညာ။
ရှဲလ်ဒန်း ဝီလျမ်၏
``ရွှေတိဂုံစေတီတော်(၁၉၀၆)``.....အမည်ရ ပန်းချီကား။
လွန်လေပြီးသော အတိတ်ကာလ ``Once Upon A Time......``အကြောင်းအရာလေးများအကြောင်း ပြောပြသည့်အခါတိုင်း ကျွန်ုပ်တို့သည် ....``အချိန်သည် နှေးကွေးစွာ ရွေ့သွားနေစဉ်တုန်းက.....``ဟူသော စာသားလေးများဖြင့် ညွှန်းပြုလေ့ရှိရာတွင် ......လူတိုင်းလိုလိုပင် ရောင့်ရဲတင်းတိမ်မှုဖြင့် နှစ်သိမ့်ကျေနပ်နေနိုင်ခဲ့သော ထိုစဉ်ကာလ၊ မြန်မာ့သဘာဝပတ်ဝန်းကျင်ဆိုရာတွင်လည်း ....မြစ်ရေတွေက ကြည်လင်သန့်ရှင်း၊ တောတွေက ထူထဲနေခဲ့ကြကာ ကျေးငှက်နှင့် တောရိုင်း တိရိစ္ဆာန်လေးများ အစုံအလင်၊ ......လယ်သမား၊ လှေသမားများသည်လည်း ရိုးသားစွာ လုပ်ကိုင်စားသောက်ရင်း ကုသိုလ်ဒါန ပြုနိုင်၊ ....ဤသို့သော ခေတ်ကာလအနေအထားတွင် စေတီဘုရားကျောင်းကန်များဝယ် ရှုခင်းပသာဒ၊ ငြိမ်သက်အေးချမ်းမှု....ဟူသည် အပြည့်အဝရှိနေခဲ့မည် ဖြစ်ပါကြောင်း။ ရေဆေးလက်ရာဖြစ်သည့် ဤပုံကားလေးသည် .....မြူအပြာပါးပါးနှင့် တစ်ညနေ၊ ထန်းပင်အုပ်လေးများမှ လေတိုးသံ၊ ဇရပ်တန်ဆောင်းလေးများ၏ သက်ငြိမ်ခြင်း အလှ၊ ....ပြောနေစရာပင်မလိုသည့် ``ရွှေတိဂုံစေတီတော်``၏ ရွှေရောင်ဝင်းပ ခန့်ထည်သော အဆင်းသဏ္ဍာန်၊ .....ဤအနီးအနား ကြည့်မြင်တိုင်၊ စမ်းချောင်းရွာလေးမှ လာရောက်သည့် ဘုရားဖူးများကလည်း ...အပူအပင်ကင်းကင်းနှင့် စေတီတော်အား ဖူးမြော်ကြည်ညိုလျက်ရှိနေခဲ့ကြပေသည်။ သို့နှင့် လက်ရာမြောက်၍ ချစ်မြတ်နိုးဖွယ်ရာ .......ဥရောပရှေးလက်ရာ၊ ....ရှဲလ်ဒန်း၏ ရွှေတိဂုံစေတီတော် ပုံရိပ်ပန်းချီကားတစ်ချပ်အား မိတ်ဆွေများ နှစ်သက်ခံစားနိုင်ရန် ကျွန်ုပ်တို့ စီစဉ်တင်ဆက်လိုက်ရပေသည်။

`မြန်မာပြည်က အဘိုးအို(၁၉၄၀ နှစ်များ)

အမေရိကန် အနုပညာ။
ဝီလျမ် စမစ်၏
``မြန်မာပြည်က အဘိုးအို(၁၉၄၀ နှစ်များ)``...အမည်ရ ပန်းချီကား။
``အဖေကြီးတီးတဲ့ ရွှေကြေးစည်``...ဟုဆိုသော ရှေးဓာတ်ပြား သီချင်းတစ်ပုဒ်ကို ကျွန်ုပ်တို့လိုပင် သင်လည်း သတိတရရှိစေနိုင်သော ဤပုံကြမ်းပန်းချီကားကိုရေးဆွဲခဲ့သည့် ....ဝီလျမ်သည် ဒုတိယကမ္ဘာစစ်ကြီးအတွင်းက စကက်ခ်ျစာအုပ်နှင့် ပန်းချီကိရိယာတန်ဆာပလာများ အသင့်ယူဆောင်ကာ မြန်မာပြည်အပါအဝင် တရုတ်၊ ဂျပန်...စသည့် အရှေ့ဖျားနိုင်ငံများဆီသို့ ခရီးထွက်ခဲ့သူ ဖြစ်လေတော့သည်။ အမေရိကန်ပြည်ထောင်စု၊ အိုဟိုင်ယိုပြည်နယ်သားတစ်ဦးဖြစ်သူ ဝီလျမ်သည် ၁၉၃၂- ၃၆ တွင် တိုလဲဒိုမြို့က ``သီအိုဒို ကီးန် အနုပညာကျောင်း``နှင့် ၁၉၃၆-၃၈ တွင် ``တိုလဲဒို တက္ကသိုလ်``တွင် ပညာဆည်းပူးခဲ့သူဖြစ်ပေသည်။ သတင်းစာအသီးသီးတွင် ပုံဆွဲဆရာအဖြစ် တစ်နှစ်တာ အလုပ်လုပ်ခဲ့ပြီးနောက် သူသည် နယူးယောက်ရွှေမြို့တော်သို့ ပြောင်းရွှေ့ပြီးသည့်ကာလ ``ဂရင်း စင်ထရယ်အနုပညာကျောင်း(၁၉၄၂- ၄၃)``တွင် ပန်းချီပညာညွှန်ကြားသူတစ်ဦး အဖြစ် တာဝန်ထမ်းဆောင်ခဲ့ကာ ......သူသည်ကားဆိုလျှင် ကမ္ဘာ့အထင်ကရ ``ဂျုန်း မီရို``....``ဘင် ရှန်``တို့နှင့် ရောင်းရင်းမိတ်ဆွေ၊ ယူနက်စကိုလက်အောက်ခံဖြစ်သည့် ``အပြည်ပြည်ဆိုင်ရာ အနုပညာအဖွဲ့``၏ နာယက၊ ထို့ပြင် ဝီလျမ်သည် ``အမေရိကန် ရေဆေးပန်းချီအဖွဲ့``၏ အကြီးအကဲတစ်ဦးလည်း ဖြစ်ခဲ့လေ၏။ ....မြန်မာပြည်သို့ သူလာရောက်သည့် စစ်အတွင်းခရီးစဉ်သည် ကြမ်းတမ်းခက်ထန်နေသည်မှာ သေချာလှလေရာတွင် အဆိုပါဖြစ်စဉ်များနှင့် ကွဲပြားစွာ ...သာယာသံကို တီးခတ်နေသော မြန်မာအဘိုးအိုတစ်ဦး၏ ပုံရိပ်ကို သူ ရေးခြယ်ရာတွင် ``ငြိမ်းချမ်းရေးခံစားမှု``တစ်စိတ်တစ်ပိုင်း ပါဝင်ပတ်သက်နေမည်...ဟု ကျွန်ုပ်တို့က ထင်မြင်ယူဆမိပါကြောင်း။

`မန္တလေး နန်းတော်(၂၀၀၉)

ကနေဒါ အနုပညာ။
ဒေးဗစ် ရောဘတ်၏
``မန္တလေး နန်းတော်(၂၀၀၉)``....အမည်ရ ပန်းချီကား။
၁၈၇၀ နှစ်များ....တောင်သမန် ရွှေအင်းက ဆော်ခဲ့သည့် လေညင်းသည် ယနေ့တိုင် တိုက်ခတ်လျက်ရှိကာ ....ကမ္ဘာပေါ်က အကောင်းဆုံး ရှုမျှော်ခင်းများထဲက ထိပ်တန်းမှာရှိနေသည်....ဟု ရှေးမှတ်တမ်းများတွင် ပါရှိခဲ့သည့် ``မန္တလေး``သည်လည်း ကမ္ဘာပေါ်က လူသူအများကို ယနေ့တိုင် ဆွဲဆောာင်နိုင်ဆဲဖြစ်ကြောင်းကို မကြာမီနှစ်များကမှ ရေးဆွဲခဲ့သည့် အနောက်တိုင်းလက်ရာ ဤပုံကားလေးက သက်သေပြနေလေတော့၏။ ကနေဒါအနုပညာသမား ဒေးဗစ်သည်ကားဆိုလျှင် ....စာရေးဆရာနှင့် ပန်းချီဆရာတစ်ဦး၊ စာပေအမျိုးမျိုးအထွေထွေကို သူ ရေးသားနေသကဲ့သို့ ....ပန်းချီမှုတွင်လည်း အက်ဘ်စထရက်၊ ဆာရီယယ်လစ်ဇင်....စသည်ဖြင့် အာရုံပေါ်ရာအတိုင်း ရေးဆွဲတတ်သူတစ်ဦး ဖြစ်လေသည်။ ဤပုံကားတွင် ရှေးဟောင်းအနီရောင်သည် တစ်ကားလုံးကို လွှမ်းမိုးထားသည်မှာ သိသာလှ၍ ...ဟိုစဉ်အတိတ်နှစ်များဆီက ရတနာပူရ၏ အချုပ်အခြာအဏာ ဗဟိုချက်ဖြစ်သည်ကို ပုံရိပ်ဖော်လိုခြင်း ဖြစ်နိုင်မည်၊ ....သို့မဟုတ် ပုံမှန်မြင်တွေ့နေကျ လှပသော နေအနီသည် ဤပုံကားကို သူရေးဆွဲနေသည့် ၂၀၀၉၊ အောက်တိုဘာ၏ တစ်ညနေခင်းတွင် အနီရဲရဲ ဆည်းဆာ ကဲ့သို့ ပိုမိုဖြစ်နေစေလေသလား...၊ ဤအချက်များသည် အဆိုပါဆရာသမား ဒေးဗစ်မှသာ သေချာစွာ ရှင်းပြနိုင်မည်ဖြစ်ရာတွင် ....ကနေဒါအနုပညာတစ်ရပ်အား ပန်းချီမြတ်နိုးသူ သင် မြည်းစမ်းနိုင်ရန်အလို့ငှာ ကျွန်ုပ်တို့ စီစဉ်တင်ဆက်လိုက်ပါကြောင်း။